سواليف البناات في الزوجاات ( العروس )ههههههه نصيحه لا يفوتكم

شفت الموضوع هذ1 وكل صراحه انشديت له ههههههههههههه... لانه هذ1
اللي نشوفه بالزواااجات وهذ1 بااخص حالنا ....
نناظر غيرنا ولانشوف انفسنا ...
سواليف.... تجيب العيد والضحك.....
مساء الخيـــر ...


مرحباااا بنات ..

شوفوا الموضوع هذا واقرأوا الدردشات الحلووووة بين البنات والحريم في العرس ..


** الفصل الأول من العرس **
نوال : عبير شفتي نوره ايش لابسه ؟؟

عبير: لا وش هي لابسه ؟؟

نوال : يووه يووووه بسسسرعه التفتي لا تفوتك شوووفيـــها

عبير تلتفت تطالع بعدين تقول ..

عبير: يا ويـــــلــــــي لابسه فستانها القديــــم أيام خطوبتها ... يا حرااااام

( وش دخلــــكم طيــــب فستان خطوبتها والا فستان شغالتهم هماها راضيه وواثقه من نفســـها ) ...

حوار آخر يدور بينهم
عبير: نوال لا تفووووتك البنت هذيك شوفيها وش هي لابسه ..

نوال : يووووه هذي فلانه الفلانيه ... وش ذا يا خزيااااااه كل ظهرها طالع عاد يقولون أبوها امام مســجد ..

عبير:ايه هذي حالتهم ذا المطاوعه خيرهم لغيرهم و بنته والا اخته تلاقيها .. الله يستر علينا و عليهم بس ... الله لا يبلانا يا شيخه ..

و تلاقون عبير و نوال نص صدرهم طالع و عادي ما يخالف ،، بس أشين شي اذا شفت بنت ظهرها طالع و دبــــه أحس تعذيب و تحوم تسبدي ... يعني اذا بنت نحيفه و جسمها حلو وش حليلها .. على الأقل أهــــــون مما اذا جتك وحده ظهرها متسفط مدري كم عشرطعش سفطه ( يلعن أم الثـقه اللي خلتها تلبس فستان بالشكل هذا و بالجسم هذا ) لا و احمدوا ربكم بعد ان معظم بناتنا ما يلبسون قصيــــر والا كان راحن فيها ..


** الفصل الثاني **
ننتقل بكم الآن إلى المنصه أو البست و هو مكان تحت رجول الطقاقات و انتوا بكرامه .. يجلسون فيه البنات اللي ما بعد أعرسن وماغير يترززن عند العجز .. أول شي تغني الطقاقه ثمن ( بمعنى بعدين ) تلاقي كل البنات قايمين يرقصون ما تلاقي مغز ابره .. مايدرون وش الاغنيه هي راب والا جاز والا فصحى والا مايكل جاكسن .. أهم شي كل مكان فيه وحده ترقص .. و ليتها وحده والا ثنتين بعد كان نسكت بس تلاقي أربع والا خمس بنات يرقصون مع بعض يعني شلــتي ؟؟؟؟

والا تجيك وحده تسمع بشي اسمه رقص ما غير ترجرج كنها غسالات توشيبا ... تخلص اغنيتها عاد يهجدون البنيات شوي ثمين ( انظر ما سبق ) يبدا شوط العجز يجون يرقمون عيني عينك ..

العجوز : ماشاء الله تبارك الله .. أقول من انتي بنته ؟؟؟؟

وهي تمعط شعر البنيه عشان تتأكد هو صدز والا تركيبه

البنت : أنــــا ؟؟؟؟؟

العجوز : لا العجوز اللي جمبتس ... ايه انتي أجل من ؟؟؟؟؟

( هالعجوز أخلاقها رايحتن وطــــي )

البنت : معليش يا طنط شوفي مامي هناك كان ودتس ترقمينها

( لعنبوا الدلع لين جا في شين غلـــط )


** الفصل الثالث **
الزفــّــــه
تبدأ الزفه الحين عاد ... يا أما تكون شعر يقال في البنيه والا حريم يزاعقون ألف الصلاة و السلام عليك يا حبيب الله محمد لللللللللللللللللللللللوي ... المهم تجي عروستنا الله يحرسها .. كنها بزر توه يتعلم المشي .. تمشي حبه حبه ماسكه باقة ورد .. أحس ودي أقولها ( هدااا هدااا مشى و عدااا .. تمر نص ساعه على بال ما توصل للكوشه و تجلس بسلام .. في النص ساعه هذي اللي كانت تمشي فيها على حبه حبه ..

تعالوا شوفوا التعليقات
نوال : أقول طقمها مهوب من كبره .. والا لا ؟؟؟؟

عبير: ايه صغير شكل ما عندهم قروش

نوال : لا يا شيخه يقولون أبوها مليونير و رجلها بعد

عبير: ايـــــه أجل خلاص أكيــد بخلا

.. يا كافي مدري وش فيهم الرجال يبخلون على بناتهم هذا و هي البنت الوحيده


دخول المعرس
ثم يجي عاد دور المزيون الأطخم رجلها ... يمشي يدربي كرشته ذا الفقمه و وراه أمة محمد ماشاء الله ... تلاقي معه أبوه و ابوها و اخوه و اخوها .. خالها عمها ولد الجيران .. راعي البقاله اللي جمبهم .. و نصهم تلاقيهم مهوب محارمن لها يروحون كلهم للكوشه يوقفون شوي يصورون و يقزقزون في البني ( للي ثقافتهم روسيه البني جمع بنات ) عاد البنات ما يعترفون بالغطا في الزواجات والا تلاقيهم ماسكين منديل كبر يدي و حاطينه على اثاميهم يعنني متغطين ( اللي ثقافتهم سيلانيه اثاميهم جمع اثم وهي بمعنى فم بؤ ماوث ) ...

بعدين عاد تبدا تعليقات البنات
ليلى : وععععع ورى رجلها كذا شكله ... يخ انه يحوم التسبد

( ياخي وش دخــّـــل أهلــك أنتي وياها رجلك والا رجلها )

هيفا : ياااااااااااااااي شوفي هذاااك مررره كيووووت اللي لابس سكسوكه كذا ياااي مره نااايس ( لا تفوتكم لابس سكسوكه لووول ) على فكره ترى البنات يموتون في شي اسمه سكسوكه يا شباب لوول بكره الاقي كل المنتدى حالقين لحاويهم ... لا بس من جد مدري وش فيها زود عاد

ليلى : ايه هذاك .. يقولون انه ولد جيران خال عمة العروسه

بعد ما يخلصون من التصوير الرجال يرجعون ... بس و هم في الطريق تلاقي عجوز مدري من وين فجأه تنط تمعط رجال من بين الرجاجيل اللي يمشون و تبوس و تجغف فيه قدام الحريم .. طبعا هالرجال يصير ولد عم خالة ابوالجيران .. طيب حبحبيه و خمخميه ما يخالف بس بعدين مهوب هنا


** الفصل الرابع **
تفضـــلوا على العشــــاء
بعد ما يروحون الرجال عاد تمسك الطقاقه المكرفون و تقول مقولتها الشهيره تفضلـــوا علـــى العشــــاء ... يروحون يراكظون الحريم كنهم في ساحة سباق ... شفتوا شلون الحريم اذا جا موسم التخفيضات لقطت الحرمه عبايتـّـا من يوم تصبح لين تمسي وهي في السوق... هنا يحصل نفس الشي ... تروح الحرمه يا عساها تلحق على العشا ليّـا ( بمعنى عسى ) يفوتـها شي ... حتى في بعض الاحيان بعض النساء يستخدمون طرق غير شرعيه في هذا السباق .. وهو انها تجي الحرمه و تنادي خويتها الثانيه و تحاول تلهيها عن العشا و مثالون على ذلك

أم خلووودي : أقول أم هواوي لقيتها لقيتها

أم هواوي : من هي اللي لقيتيها ؟؟؟؟

أم خالد : البنت اللي تدورين عليها ..

أم هواوي : أي بنت ... حسبي الله عليك يا ام خالد هبلتـي في العجيّـز ( عجيّز هي مصغر عجووووز )

أم خالد : تكمخها بالشنطه اللي بيدها و تقول .. اقول بلا استهبال يا عجوز قريح ... الحين انتي مهوب تدورين عروسه لولدك الشين هواوي .. و تبينها طويله ، بيضا ، و شعرها طويــــل ... ( أقول من زينك يا هواوي يوم انك تتشرط )

أم هواوي : ايـــــــــــه

أم خالد : خلاص لقيتها .. شوفيها توها رايحتن عند الحمامات تصلح شكلها .

و تروح أم هواوي يا عمري تدربي رويسها تدور على البنيه و ام خالد انتهزت الفرصه و سبقتـــــها على العشـــــا .

تروح عاد أم خالد تقحش من هالعشا و تملا الصحن من جميع انواع الاكلات و احيانا تصير الوحده معها صحنين و بدون مبالغه انها تصير تمشي ماسكتن صحنين واحد للأكل الشعبي مثل المرقوق و القرصان و الجريش و الثاني للحمص و المشويات و الاسماك و الربيان و غيره

بعد ما يتعشون عاد تصير كل وحده ما عاد تشوف الطريق ويالله تقدر تتنفس من ظوق الفستان ما تلاقيها الا فاتحه نص السحاب و فاصخه كنادرها عشان تركظ تاخذ عباتها و تروح تفخ لين بكره الظهر ..

<<------------------------------ انتهى العرس
...................
والله علينا سواليف تقطع المصارين من الضحك...
هع هع هع هع هع هع هع هع هع
اتمنى يعجبــــــــــــــكم.....تحياتي عاشقة الشوكلاتة

وينننننننننننننننكم يالاعضاء وين الردود

ولا تهتمين يالغالية موضوعك يجنن ولاانك صادقة واساسا الزين مايطلع إلا من الزين اللي زيك يسلمووو ياقمر

يسلموااااااااااااا الشوق على الرد الجميل والزين منك يا الغاليه لانك رديتي وتسلمون كلكم تحياتي عاشقة الشوكلاتة

العفووووووووووووووووووووو على الردود تحيااااتي عاشقة الشوكلاتة

مشكوره اختي

العفووووووووووووووووووووووووو مون على الرد تحيااتي عاشقة الشوكلاتة

هههههههه

مـــررره حلــو

الـموضـــوع

مشكوووره حبيبتي

(دلوعــــه وكــــلمتها مســموعه)

تسلميييييييييييييييييييييييييييييين على الرد تحيااتي عاشقة الشوكلاتة

الله يسلمك

مشكوررررررررررررررررررررررررررررره دلوووعه على جهوودك تشكريييييييييييييين يااعسل تحياااااااتي

يسلموااااااااااااا عاشقة الشوكلاتة على الموضوع مره خطييير تحيااتي

الله يسلمك انتي الخطييييييره يا عسل على ردك الجميييل تحيااااتي عاشقة الشوكلاتة تحيااتي